ၢဝ်ႇ-SSPP/SSA
2019 July (26)
ၸွမ်းၼင်ႇပိူင်ၵၢၼ်ၵေႃႇသၢင်ႈတပ်ႉ တပ်ႉသိုၵ်းၸိုင်ႈတႆးၵေႃႈ တိုၼ်းတႅမ်ႈဝႆႉၸႅင်ႈၸႅင်ႈလႅင်းလႅင်းဝႃႈ “ပေႃးၶၢဝ်းယၢမ်းတၼ်း ဢမ်ႇမီးလွင်ႈသုၵ်ႉသၵ်ႉသင်ၼၼ်ႉ ၸွမ်းၼင်ႇၵၢၼ်ငၢၼ်းပေႃႈမႄႈၵူၼ်းမိူင်း မီးၶၢဝ်းလႂ်ၶၢဝ်းၼၼ်ႉ တေလႆႈၸွႆႈထႅမ်ၵၢၼ်ငၢၼ်းပေႃႈမႄႈၵူၼ်းမိူင်းၵႂႃႇ”ၼႆယူႇယဝ်ႉ။
ၵေႃႉသိုၵ်းၵေႃႉႁၢၼ် SSPP/SSA ဢၼ်တူၵ်းပုၼ်ႈၽွၼ်း ဢဝ်ႁူမ်ႇလူမ်ႈၼႃႈတီႈ ၸေႈဝဵင်းမၢႆ(10) ၸေႈတွၼ်ႈမၢႆ(4) လူင်းၸွႆႈႁဵတ်းၵၢၼ်ၸွႆႈထႅမ်ပေႃႈမႄႈၵူၼ်းမိူင်း ၼႂ်းဢိူင်ႇတူၼ်ႈၵႅင်း ၸေႈဝဵင်းသီႇ ပေႃႉ ၸိုင်ႈတႆးပွတ်းႁွင်ႇ။
ဝၼ်းထီႉ 26.7.2019 ႁူဝ်သိုၵ်းလူင် ၸၢႆးၵွင် ဢွၼ်ႁူဝ်ႁႅင်းသိုၵ်း တပ်ႉႁူမ်ႇလူမ်ႈၸေႈဝဵင်းမၢႆ(10) SSPP/ SSA ႁႅင်းၵူၼ်းသိုၵ်း(9)ၵေႃႉ ၸွႆႈထႅမ်သွမ်ႈၼႃး ၸၢႆးသူႉ+ၼၢင်းမီး ဝၢၼ်ႈလွႆငိုၼ်း ဢိူင်ႇတူၼ်ႈၵႅင်း၊ ပူၼ်ႉမႃး ဝၼ်းထီႉ 23.7.2019 ၼၼ်ႉ လႆႈၸွႆႈထူၺ်ႈပၼ်ၵႃႈသေ တေႃႇထိုင်ပေႃးလႆႈသွမ်ႈလူင်းၼႂ်း တူင်ႈၼႃးၼၼ်ႉ လႆႈၸွႆႈထႅမ်မႃးတဵမ်ထူၼ်ႈယူႇယဝ်ႉ။
