News

News

Tuesday
July, 16

ၸွႆႈထႅမ်ပပ်ႉႁဵၼ်း ယုၵ်ႉယွင်ႈပၼ်ႁႅင်း ပၢႆးပိင်ႇၺႃႇ လုၵ်ႈဢွၼ်ႇသွၼ်လိၵ်ႈလၢႆး

ၶၢဝ်ႇ-SSPP/SSA

2019 July(30)

ၽူႈမီးပုၼ်ႈၽွၼ်းၽၢႆႇဢုပ်ႉပိူင်ႇ တူင်ႉၼိုင်ၸွႆႈထႅမ်ပၼ်ႁႅင်းပၢႆးပိင်ႇၺႃႇ လုၵ်ႈဢွၼ်ႇ ၼင်ႇႁိုဝ်တေမီး ၼမ်ႉၸႂ်ၶႂ်ႈၶိုၼ်ႈႁဵၼ်းၼၼ်ႉ လႆႈလူင်းၸႅၵ်ႇပၼ်ပပ်ႉလုၵ်ႈႁဵၼ်း တီႈႁူင်းႁဵၼ်းသွၼ်လိၵ်ႈတႆး ဝၢၼ်ႈၼွင်မူၼ်း ဢိူင်ႇ(19)ဝၢၼ်ႈ ၸေႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ။

ဝၼ်းထီႉ 27.7.2019 ၼၼ်ႉ ၸၢႆးလမ် တၢင်တူဝ်ၵေႃႇမတီႇၸေႈဝဵင်း မၢႆ(12) SSPP/SSA ၸွႆႈထႅမ်ၸႅၵ်ႇ ပၼ်ပပ်ႉႁဵၼ်းလိၵ်ႈတႆး ၸၼ်ႉငဝ်ႈ(32)ပပ်ႉ၊ ၸၼ်ႉၼိုင်ႈ(12)ပပ်ႉ တႃႇလုၵ်ႈႁဵၼ်း(44)ၵေႃႉ တီႈႁူင်း ႁဵၼ်းသွၼ်လိၵ်ႈတႆး ဝၢၼ်ႈၼွင်မူၼ်းၵႂႃႇယူႇယဝ်ႉ။ ဢၼ်ဢဝ်ပုၼ်ႈၽွၼ်း ပူင်သွၼ်ပၼ်လုၵ်ႈ ႁဵၼ်းၼၼ်ႉ မီးမေႃသွၼ်ၸၢႆး(3)ၵေႃႉ ပူင်သွၼ်သေ မီးလုၵ်ႈႁဵၼ်းၸၢႆး(26)ၵေႃႉလႄႈ လုၵ်ႈႁဵၼ်း ယိင်း(18)ၵေႃႉ ၶိုၼ်ႈႁဵၼ်းသွၼ်လိၵ်ႈတႆးဝႆႉယူႇ ၼႆယဝ်ႉ။

ၵဵဝ်ႇၵၢၼ်ပၢႆးပိင်ႇၺႃႇၼႆႉ ယူႇတီႈငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆးၵေႃႈ လႆႈတမ်း ဝၢင်းၽႅၼ်ၵၢၼ် ဢၼ်ၶိုၵ်ႉတွၼ်းဢၼ်ၼိုင်ႈသေ ပူၵ်းပွင်ၸွႆႈထႅမ်ၵႂႃႇ ၵႃႈၼင်ႇယိုၼ်းထိုင် ႁူႉ/ငိၼ်း လႆႈၼၼ်ႉယူႇယဝ်ႉ။ ဢၼ်လုၵ်ႉတီႈငဝ်ႈငုၼ်းႁပ်ႉပုၼ်ႈၽွၼ်း ႁူဝ်တေႃႇတိၼ်သေ ပူၵ်းပွင်ၸွႆႈထႅမ်ဝႆႉ လုၵ်ႈဢွၼ်ႇၸၢႆး/ယိင်း(600)ၵေႃႉပၢႆ ၸိူဝ်းဢူႈမႄႈမီးတၢင်းယၢပ်ႇ တႃႇၵမ်ႉၸွႆႈၶိုၼ်ႈႁူင်းႁဵၼ်းၼၼ်ႉ ဢဝ်ဢၢပ်ႈပၼ်တီႈမုၵ်ႉၸုမ်းလူင် SSPP/SSA သေ ၸွႆႈထႅမ်ပူၵ်းပွင်ဝႆႉတီႈ ႁူင်းႁဵၼ်းၼေႃႇတႅၼ်းၶိူဝ်း ဢၼ်ပိုတ်ႇၶဝ်ႈတၢင်းၵၢၼ် တီႈပၢင်သဝ်းငဝ်ႈငုၼ်း SSPP/SSA(ဝၢၼ်ႈႁႆး) တူင်ႇဝဵင်းၵေးသီး ၸိုင်ႈတႆး ပွတ်းၸၢၼ်းၵေႃႈ မီးဝႆႉယူႇယဝ်ႉ။

Find us on

Latest articles

- Advertisement - spot_img

Related articles

ရှမ်းမြောက် မိုင်းရယ်မြို့ကို SSPP/SSA မှ စစ်အင်အား ထောင်နှင့်ချီ ဝင်ရောက် တပ်စွဲ

ရှမ်းပြည်မြောက်ပိုင်း မိုင်းရယ်မြို့နယ် အတွင်း ဒေသတည် ငြိမ်ရေးနှင့် ပြည်သူ့လုံခြုံရေး အတွက် ရည်ရွယ်ပြီး SSPP/SSA မှ စစ်အင်အား ၁၀၀၀ ကျော်သည် ယမန်နေ့ ဇူလိုင်လ ၁၂ ရက်နေ့...

ၸုမ်းၵေႃႊႁူမ်ႈမိုဝ်းပွင်ၵၢၼ် ၸွႆႈထႅမ်ၵူၼ်းပၢႆႈၽေးပၢင်တိုၵ်း ၼႂ်းၸေႈဝဵင်းၵျွၵ်ႉမႄး

ၸုမ်းၵေႃႊႁူမ်ႈမိုဝ်းပွင်ၵၢၼ် ဢၼ်ပဵၼ် မုၵ်ႉၸုမ်းတီႇမူဝ်ႇၶရေႇၸီႇၸၢဝ်းၶိူဝ်းတႆး SNLD လႄႈ ပႃႇတီႇမႂ်ႇသုင် ၸိုင်ႈတႆး SSPP ႁူမ်ႈၵၼ်သေ ၸွႆႈထႅမ်ၵူၼ်းပၢႆႈၽေး ပၢင်တိုၵ်း တီႈၼႂ်းၸေႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ၼႆယူႇယဝ်ႉ။ မိူဝ်ႈလိူၼ်ၵျူႇလၢႆႇ 7 ဝၼ်း ဢၼ်ပဵၼ်...

ၽူႈမီးၼမ်ႉၸႂ်ၸေႇတၼႃႇ ၸွႆႈထႅမ်လွင်ႈၵိၼ်ယႅမ်ႉတီႈ ၵေႃႉသိုၵ်းၵေႃႉႁၢၼ် SSPP/SSA ဢၼ်မီးၼႂ်းၼႃႈ သိုၵ်း ၸိုင်ႈတႆးပွၼ်းၸၢၼ်း

ၽူႈမီးၼမ်ႉၸႂ် ၸေႇတၼႃႇ ဢၼ်ယူႇၼႂ်းၸေႈဝဵင်းလွၵ်ႉ ၸွၵ်ႇ ၵေႃႉၼိုင်ႈ ၸွႆႈထႅမ်လွင်ႈၵိၼ်ယႅမ်ႉ တႃႇၵေႃႉ သိုၵ်း ၵေႃႉႁၢၼ် SSPP/SSA ဢၼ်မီးယူႇ ၼႂ်းၼႃႈသိုၵ်း ၸိုင်ႈတႆးပွတ်းၸၢၼ်း ၼၼ်ႉၼႆယူႇယဝ်ႉ။ မိူဝ်ႈလိူၼ်ၵျူႇလၢႆႇ 2 ဝၼ်းၼၼ်ႉ ၵူၼ်းမိူင်း...

မၢၵ်ႇႁၢင်ႈ RCSS တႅၵ်ႇတိူဝ်ႉၺႃး ၵူၼ်းမိူင်း ၼႂ်းၸေႈဝဵင်းမိူင်းၼွင်

ၵူၼ်းမိူင်း ၼႂ်းၸေႈဝဵင်း မိူင်းၼွင် ၵေႃႉၼိုင်ႈ ႁေႃႈလူတ်ႉၶိူင်ႈ ၽႃႇၺႃးမၢၵ်ႇ ဢၼ်ၸုမ်း RCSS ႁၢင်ႈၵၢင်ဝႆႉ ၸွမ်းတၢင်း လႄႈ မၢၵ်ႇတႅၵ်ႇ တိူဝ်ႉၺႃး သေ လႆႈတၢင်းၸဵပ်းမၢတ်ႇဝႆႉ ၼႆယူႇယဝ်ႉ။ မိူဝ်ႈလိူၼ် ၵျုၼ်ႇလၢႆႇ...

ၸုမ်းၾၢႆႇပၢႆးယူႇလီ SSPP/SSA ႁူမ်ႈ ၾၢႆႇဢုပ်ႉပိူင်ႇ လူင်းတူၺ်းထိုင်ပၼ်ပၢႆးယူႇလီ လုၵ်ႈႁဵၼ်း ၊ မေႃသွၼ် လႄႈ...

ၸုမ်းၾၢႆႇပၢႆးယူႇလီ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁူမ်ႈတင်း ၾၢႆႇဢုပ်ႉပိူင်ႇ ၼႂ်း ၸေႈတွၼ်ႈမၢႆ(15) လူင်းတူၺ်းထိုင်ပၼ်ပၢႆးယူႇလီလုၵ်ႈႁဵၼ်း လႄႈ ဢိၵ်ႇပႃး ပေႃႈမႄႈ ၵူၼ်းမိူင်း ၼႂ်းပိုၼ်ႉတီႈ ၸေႈဝဵင်းမိူင်းၵိုင် ၸိုင်ႈတႆးပွတ်းၸၢၼ်း ၼႆယူႇယဝ်ႉ။ မိူဝ်ႈဝႃး...

ၸုမ်းၾၢႆႇပၢႆးယူႇလီ SSPP/SSA လူင်းတူၺ်းထိုင်ပၼ်ပၢႆးယူႇလီ လုၵ်ႈႁဵၼ်းလႄႈ ပေႃႈမႄႈၵူၼ်းမိူင်း ၼႂ်းၸေႈ ဝဵင်းမိူင်းၵိုင်

ၸုမ်းၾၢႆႇပၢႆးယူႇလီ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁူမ်ႈတင်း ၾၢႆႇဢုပ်ႉပိူင်ႇ ၵူႈ ၸၼ်ႉ ၸၼ်ႉ ၼႂ်းၸေႈတွၼ်ႈမၢႆ(15) လူင်းတူၺ်းထိုင်ပၼ်ပၢႆးယူႇလီ လႄႈ လုၵ်ႈႁဵၼ်း ဢိၵ်ႇပႃး ပေႃႈမႄႈ ၵူၼ်းမိူင်း ၼႂ်းပိုၼ်ႉတီႈ...