ၶၢဝ်ႇ-SSPP/SSA
2019-July(15)
ၵေႃႉသိုၵ်းၵေႃႉႁၢၼ် ၼႂ်းပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး ၸိူဝ်းႁွတ်ႈၽႅဝ်ၼႂ်းၼႃႈတီႈ တူင်ႉၼိုင်ၽႂ်မၼ်းၼၼ်ႉ ၸွမ်းၼင်ႇငဝ်းလၢႆးပၼ်သေ ႁဵတ်းၵၢၼ်ၸွႆႈထႅမ်ၵူၼ်းမိူင်း လႆႈႁၼ်ၼင်ႇၼႆ။
ဝၼ်းထီႉ 12.7.2019 ယၢမ်းၵၢင်ၼႂ်(8:00)မူင်းတေႃႇယၢမ်း(17:00)မူင်းတၢမ်းၶမ်ႈၼၼ်ႉ ႁူဝ်ႁၢၼ် ၸၢႆးဢွင်ႇသႃႇ ဢွၼ်ႁူဝ်ၵူၼ်းသိုၵ်း ၼႂ်းတပ်ႉႁူမ်ႇလူမ်ႈၸေႈဝဵင်း(17) SSPP/SSA သေ ၶဝ်ႈပႃးၸွႆႈထႅမ် တေႃႇမၢၵ်ႇႁိၼ်သိူဝ်ႇတၢင်း ၽၢႆႇဢွၵ်ႇဝၢၼ်ႈဝဵင်းၼၼ်ႈ တေႃႇၵႂႃႇၸူးၵျွင်းမုၼ်ၸဝ်ႈ ပႃးပေႃႈမႄႈၵူၼ်း ဝၢၼ်ႈဝဵင်းၼၼ်ႈ ႁႅင်းၵူၼ်း100ပၢႆ။
ဝၼ်းထီ 13.7.2019 ၼၼ်ႉ ႁူဝ်သိုၵ်း ၸၢႆးထွၼ်း ဢွၼ်ႁူဝ်ႁႅင်းၵူၼ်း(8)ၵေႃႉ ၼႂ်းတပ်ႉႁူမ်ႇလူမ်ႈၸေႈ ဝဵင်းမၢႆ(28)SSPP/SSA ၸွႆႈမၢႆႁႆႈၶဝ်ႈ လုင်းၸၢႆးလဵၵ်ႉ+ပႃႈၼၢင်းႁၢၼ်ႇ ဝၢၼ်ႈပၢင်ႇထူဝ်ႇလိၼ် ဢိူင်ႇမိူင်း ယေႃ ၸေႈဝဵင်းသႅၼ်ဝီ ၸိုင်ႈတႆးပွတ်းႁွင်ႇ။
ဝၼ်းထီႉ 14.7.2019 ယၢမ်း(07:30)မူင်းတေႃႇယၢမ်း(17:00)မူင်းတၢမ်းၶမ်ႈၼၼ်ႉ ၸၢႆးၶမ်းလူႇ ဢွၼ် ႁူဝ် ၵူၼ်းသိုၵ်းၼႂ်းတပ်ႉႁူမ်ႇလူမ်ႈၸေႈဝဵင်းမၢႆ(17) SSPP/SSAသေ ၸွႆႈထႅမ်လွင်းၶဝ်ႈၵၢပ်ႇ လုင်းၸၢႆး+ပႃႈမျႃႉၸိင်ႇ ဝၢၼ်ႈပၢင်ႇၶမ်း ဢိူင်ႇမိူင်းယဵၼ် ၸေႈဝဵင်းၼမ်ႉတူႈ ၸိုင်ႈတႆးပွတ်းႁွင်ႇ။
ၵႅမ်ၶုၼ်ႁၢၼ် ၵေႃးလိင်ႇ ၽူႈၸတ်းၵၢၼ်ၸေႈဝဵင်းမၢႆ(9) SSPP/SSA ဢွၼ်ႁူဝ်ၵေႃႉသိုၵ်းၵေႃႉႁၢၼ် ၼႂ်းတပ်ႉႁူမ်ႇလူမ်ႈၸေႈဝဵင်းမၢႆ(9) သႂ်ႇလွတ်ႇႁဵတ်းၶူဝ် ၼိူဝ်သဵၼ်ႈတၢင်းလုၵ်ႉၽၵ်းၼၢမ် ၵႂႃႇဝၢၼ်ႈမေႃႈ ၸေႈဝဵင်းသီႇပေႃႉ ၸိုင်ႈတႆးပွတ်းႁွင်ႇ ၼႂ်းဝၼ်းထီႉ 14.7.2019 ၼၼ်ႉယူႇယဝ်ႉ။
