ၶၢဝ်ႇ-SSPP/SSA
2019 July(1)
ၵူၼ်းမိူင်းဝၢၼ်ႈပၢင်ၺွင်ႇ ဢိူင်ႇႁူဝ်ယႃႉ ၵႂႃႇသွတ်ႉပႃ တီႈၸွမ်းႁွင်ႈၽၢႆႇၸၢၼ်းဝၢၼ်ႈၼမ်ႉတူင်း(တႆး) ၽၢႆႇႁွင်ႇဝၢၼ်ႈၼမ်ႉတူင်း (လႃးႁူႇ)ၼၼ်ႉသေ သွတ်ႉၺႃးတူဝ်ၵဝ်ႇတၢႆ။
ဝၼ်းထီႉ 30.6.2019 ယၢမ်း 09:00 ၵၢင်ၶမ်ႈၼၼ်ႉ ၸၢႆးၶမ်းသိုဝ်ႉ ဢႃႇယူႉ(22)ၶူပ်ႇ ၵႂႃႇသွတ်ႉပႃသေ သွတ်ႉၺႃးတူဝ်ၵဝ်ႇတၢႆ၊ ၸၢႆးၶမ်းသိုဝ်ႉ ပဵၼ်လုၵ်ႈၸၢႆး လုင်းပီး+ပႃႈသူၺ်ႇ ယူႇဝၢၼ်ႈပၢင်ႇၺွင်ႇ ဢိူင်ႇႁူဝ်ယႃႉ ၸေႈဝဵင်းမိူင်းယႆ ၸိုင်ႈတႆးပွတ်းႁွင်ႇ။
ၸၢႆးၶမ်းသိုဝ်ႉၼႆႉ ပဵၼ်ၵူၼ်းမီးၼႃႈႁိူၼ်းၵိုၵ်းၼၢင်းၼွင်ႉဢွမ် ၸပ်းတွင်ႉပႃးတူဝ်ဝႆႉ(8)လိူၼ် လႆႈႁူႉၼင်ႇၼႆ။
သွတ်ႉဢၼ်ႁဵတ်းမႃးမိူင်းၶေႇၼႆႉ ယူႇတီႈငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး လႆႈဢွၵ်ႇလိၵ်ႈ တၢင်းၵၢၼ်ႁေႉႁၢမ်ႈၼႂ်းၼႃႈတီႈ တိုၼ်းတေဢမ်ႇလႆႈၶၢႆသွတ်ႉ၊ သင်ဝႃႈႁၼ်ၵူၼ်း လေႇႁႃသွတ်ႉပႃၸိုင် တိုၼ်းတေလႆႈတီႉၺွပ်းဢဝ်လိူင်ႈၵၢၼ်ၵႂႃႇၼႆသေတႃႉ ၸိူဝ်းဢၼ်လၵ်ႉလွမ် ႁဵတ်းၵေႃႈယင်းတိုၵ်ႉမီးယူႇၼႆ ၽူႈမီးပုၼ်ႈၽွၼ်းၽၢႆႇဢုပ်ႉပိူင်ႇၵေႃႉၼိုင်ႈ လၢတ်ႈၼင်ႇၼႆ။
