ၶၢဝ်ႇ-SSPP/SSA
2019-July(15)
ၽၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး ၶဝ်ႈႁူမ်ႈ ပၢင်ပွႆးထႃႇပၼႃႇ ထၢတ်ႈၵႅဝ်ႈ တီႈ ဝိႁၢရ်ႇပၢင်ၵွၵ်ႇ ဢိူင်ႇၼႃးၼိဝ်ႉ ၸေႈဝဵင်းသီႇပေႃႉ ၸိုင်ႈတႆးပွတ်းႁွင်ႇ။
ဝၼ်းထီႉ 14.7.2019 ယၢမ်းၵၢင်ၼႂ်ၸဝ်ႉ(4:00)မူင်း တေႃႇယၢမ်း(6:00)မူင်းၼၼ်ႉ သင်ႇၶႃႉၸဝ်ႈ(5) ဝိႁၢရ်ႇ မိူၼ်ၼင်ႇ ဝိႁၢရ်ႇဝၢၼ်ႈလူင်ၼမ်ႉမႃႉ၊ ဝိႁၢရ်ႇမွၵ်ႇတွင်း၊ ဝိႁၢရ်ႇပၢင်ႁုင်း၊ ဝိႁၢရ်ႇၼႃးၼိဝ်ႉ လႄႈဝိႁၢရ်ႇပၢင်ၵွၵ်ႇ ၶိုၼ်ႈႁွတ်ႈသေ ဢိၵ်ႇပႃးၽူႈၸတ်းၵၢၼ်ၸေႈ ဝဵင်းမၢႆ(10) SSPP/SSA ဢွၼ်ႁူဝ်ၶဝ်ႈႁူမ်ႈလူႇတၢၼ်း ပၢင်ပွႆးထႃႇပၼႃႇထၢတ်ႈၵႅဝ်ႈ ၼႂ်းႁုၼ်ႇႁၢင်ႈၽြႃးပဵၼ်ၸဝ်ႈ ဢၼ်သွၼ်း ႁဵတ်းတီႈဝိႁၢရ်ႇပၢင်ၵွၵ်ႇ ႁူမ်ႈႁႅင်းၵူၼ်းၶိုၼ်ႈလူႇတၢၼ်း 100 ၵေႃႉပၢႆ ၼၼ်ႉယူႇယဝ်ႉ။
ႁုၼ်ႇႁၢင်ႈၽြႃးပဵၼ်ၸဝ်ႈၼၼ်ႉ ပဵၼ်ႁုၼ်ႇႁၢင်ႈ ၽြႃးဢွင်ႇပေႉမၢၼ်ႇမႃႇၼၢတ်ႈ လုင်းပၢၼ်းဢွင်ႇ လၢႆးၶႃး ဢဝ်ပုၼ်ႈၽွၼ်းလႆႈတႄႇသွၼ်းႁဵတ်းသၢင်ႈမႃး ဝၼ်းထီႉ 1.6.2019 တင်းသုင်(12)ပေႇ၊ တင်း ယႂ်ႇ(9)ပေႇ ယူႇယဝ်ႉ။
