ၶၢဝ်ႇ-SSPP/SSA
2019 Jun(13)
သင်ႇၶႃႇၸဝ်ႈၼႂ်းတူင်ႇဝဵင်းမိူင်းသူႈ ဢွၼ်ႁူဝ်ၼမ်းၼႃႈသေ တၢမ်တူဝ်ၸွမ်သိုၵ်းလူင် ပၢင်ႇၾႃႉ ႁူဝ်ပဝ်ႈ လူင် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ဢိၵ်ႇပႃးပေႃႈမႄႈၵူၼ်းမိူင်း ၼႂ်းဢိူင်ႇၼွင်ဢႅပ်း ၸေႈဝဵင်းမိူင်းသူႈ လႆႈဢွၼ်ၵၼ်တႄႇၵုမ်းၵေႃႇၶိုၼ်း ၵွင်းမူးထၢတ်ႈလွႆဝဵင်း ဝၼ်းထီႉ 3.6.2019 ၼၼ်ႉ မေႃမိုဝ်းၵေႃႇၵွင်းမူး ၶုၼ်သိုၵ်း ၵမ်ႉမိူင်းဢွၼ်ႁူဝ်ႁဵတ်းသၢင်ႈမႃး တေႃႇဝၼ်း ထီႉ-12.6.2019 ၼႆႉ ယဝ်ႉတူဝ်ႈလီငၢမ်းယူႇယဝ်ႉ။
ၵွင်းမူးထၢတ်ႈလွႆဝဵင်း တီႈဝၢၼ်ႈလွႆဝဵင်း ဢိူင်ႇၼွင်ဢႅပ်း ၸေႈဝဵင်းမိူင်းသူႈ ၸိုင်ႈတႆးပွတ်းၸၢၼ်း ဢၼ်လႆႈဢဝ်ၶၢဝ်းတၢင်း(7) ဝၼ်းသေ ၶိုၼ်းၵေႃႇၵုမ်းၼၼ်ႉ ယဝ်ႉတူဝ်ႈလီငၢမ်းလႄႈ မေႃမိုဝ်းလူင် ဢွၼ်ၵေႃႇၵုမ်းၵွင်းမူး ၶိုၼ်းဢၢပ်ႈပၼ် သင်ႇၶႃႇၸဝ်ႈလႄႈပေႃႈမႄႈၵူၼ်းမိူင်း ၼႂ်းပိုၼ်ႉတီႈ ဢိူင်ႇၼွင် ဢႅပ်းၵႂႃႇယူႇယဝ်ႉ။
ၵွင်းမူးထၢတ်ႈလွႆဝဵင်းၼႆႉ မိူဝ်ႈပီႊသႃႇသၼႃႇပုတ်ႉထၸဝ်ႈလႆႈ 1300 ၼီႈၼၼ်ႉ ဢၼ်ပဵၼ်ပီႇ တၵၢတ်ႈၽၢႆႇယူၼ်း ၽႅဝ်ၼႂ်းထုင်ႉမိူင်းႁႃႉမိူင်းႁႅင်းလႄႈ တင်းပိုၼ်းႁုၼ်ႇႁၢင်ႈၽြႃးပဵၼ်ၸဝ်ႈ ပလသႁိင်ႇၵၼႆႉ တိုၼ်းၵိုၵ်းၵပ်းၵၼ်မႃး မီးဝႆႉပိုၼ်းၵႅပ်ႈၼင်ႇၼႆသေ ၵူၼ်းမိူင်းပိုၼ်ႉတီႈၵေႃႈ တိုၼ်း မီးလွင်ႈယုမ်ႇယမ်ၼပ်ႉထိုဝ် ပဵၼ်ၵွင်းမူးထၢတ်ႈၸႅတ်ႈၵိုၵ်းၼမ်ႉလိၼ်ႁိၼ်ၽႃ ၸိုင်ႈတႆးႁဝ်းသူႇၼိုင်ႈ ၼႆယဝ်ႉ။
