ၶၢဝ်ႇ-SSPP
May 20, 2019
ၵႃးလုင်းသူၺ်ႇထုၼ်း ဝၢၼ်ႈၵွင်းၶႃး ဢိူင်ႇမိူင်းပႃး ၸေႈဝဵင်းသႅၼ်ဝီ တၢင်ႇတုမ် ဢၢင်ႈၵႂႃႇတၢင်း ဝဵင်းသႅၼ်ဝီ ပိၼ်ႈတူၵ်းၼမ်ႉႁိၼ်လမ်သေ တုမ်မႆႉတဵင်ၺႃး ၼၢင်းဢိင်ႇ တၢႆထင်တီႈယူႇယဝ်ႉ။
ဝၼ်းထီႉ 19.5.2019 ယၢမ်း24 မူင်း ၵၢင်ၶိုၼ်းၼၼ်ႉ ၵႃးတၢင်ႇတုမ် လုင်းသူၺ်ႇထုၼ်းပိၼ်ႈ တူၵ်းၼမ်ႉႁိၼ်လမ် ၽၢႆႇတႂ်ႈဝၢၼ်ႈၵွင်းဢၢႆႇ ဢိူင်ႇမိူင်းပႃး ၸေႈဝဵင်းသႅၼ်ဝီသေ တုမ်တူၵ်းတဵင်ၺႃး ၼၢင်းဢိင်ႇ ဢႃႇယူႉ(35)ၶူပ်ႇ ၵေႃႉပဵၼ်မေးၼၢင်း ၸၢႆးထုၼ်း ယူႇဝၢၼ်ႈၵွင်းၶႃး တၢႆထင်တီႈလႆႈႁူႉၼင်ႇ ၼႆ။
ၼၢင်းဢိင်ႇၼႆႉ မီးလုၵ်ႈ(2)ၵေႃႉ ဢႃႇယူႉလႆႈ(6)ၶူပ်ႇ ၼိုင်ႈၵေႃႉ လၢႆႈ(3)ၶူပ်ႇ ၼိုင်ႈၵေႃႉ၊ ၼၢင်းဢိင်ႇပဵၼ်လုၵ်ႈယိင်း လုင်းသူၺ်ႇထုၼ်း+ပႃႈယွၼ်း ယူႇဝၢၼ်ႈၵွင်းၶႃး ၼႂ်းဢိူင်ႇမိူင်းပႃး ၸေႈဝဵင်းဝီ လႆႈႁူႉၼင်ႇၼႆ။
